Søndagen vår

I dag har Ivar og Sverre hatt ein skikkelig far og son dag. :) Dei har kosa seg mykje ute, gått ein liten fjelltur opp bak huset, leika i hytta til Sverre, vaska bil og sykla/drog ein tur med Sverre sin traktor...Ivar drog han med eit tau, og då han såg bak seg, sat Sverre godt tilbakelent i traktorsetet og åt smurf, hehe... :)

Eg og Martin har vore inne i dag. Eg har brukt dagen på rydding og vasking sidan vi skal på øya på påskeferie i morgon. (Ja, eg veit det er søndag...)
Etterpå laga eg påskemuffins og sjokoladekake, so fekk vi besøk av Tuva, venninna til Sverre! Ho hadde med seg gåve til både Sverre og Martin! Det var veldig stas. Sverre fekk snop i gåve som han delte med Tuva. :)

Ei lita stund etter Tuva vart henta, kom mormor, morfar, tante Aina og (lille)Tuva. Aina og Tuva kom på fly frå Oslo i dag, og dei hadde ein time til gode før fergå gjekk ut att på øya, so då kom dei oppom oss ein tur. Veldig kjekt! Sverre var heilt i hundre!

Ivar og Sverre tok ei lita kvikklunsj pause på altanen.

Påskemuffins! Det er appelsinjuice i deiga, so å pynte med litt melis og sjokolade vart veldig godt! I oppskrifta er det pynta med små påskeegg og det såg veldig godt og delikat ut. Eg hadde ikkje det liggande, men eg hadde Crispo og det gjekk veldig fint! Kvikklunsj går sikkert også veldig bra. :)