Fredagskos og masse besøk

I dag skulle Elin og Øystein (søstra til Ivar og mannen) til Molde ein tur, so då henta eg Bertine på skulen og so henta vi Sverre i barnehagen etterpå. Skulen og barnehagen er i same bygget, og berre ein kjapp spasertur med gangsti frå byggefeltet. Heilt topp! :)

Før eg henta dei kl 13, rakk eg først å vaske bad, vaske klede, støvsuge begge etasjene, lage brownies og cashewnøttsjokolade og lage fyllet til pizzaen vi skulle ete, pluss amming innimellom. Følte meg effektiv i dag!
Eg tenkte at Sverre og Bertine skulle få hjelpe til å lage pizzadeig, for dei liker så godt å bake begge to!
Etterpå kom Elin og Øystein bort og åt pizza med oss. Så til kaffien kom mamma og pappa oppom ein tur, for dei hadde vore på Moa. Og so kom Sunniva ein kjapp tur før ho skulle ta fergå ut på øya på fotballtrening. Det har rent fullt med besøk her i dag, og det var kjekt! :)
Eg gløymde heilt å ta bilde av besøket vårt, men eg har teke nokre bilder av bakarane og baksten :)


Her er dei i full sving med å blande ingrediensane. Kjempegøy!

Litt meir konsentrasjon når dei trykte ut deiga på brettet.

Martin låg fint på golvet å leika seg heile tida.

Brownies wonderful heiter denne, og det var den også! :)

Her er cashewnøttsjokoladen. Det er 200g usalta cashewnøtter og 200g melkesjokolade. Eg smelta sjokoladen i microen og blanda nøttene i. Så tok eg ei skei og la små topper på ei bakepapirkledd plate som eg sette i kjøleskapet til dei stivna. Kjempegod og enkel heimelaga snacks!