Søndagstur til Geiranger

Vi tok oss like gjerne ein tur til Geiranger vi i dag. Eg og Ivar har vore der nokre gongar før, men ikkje med unger, så det var kjekt! Vi tok oss ein lunsj/middag på ein cafê og softis på brygga. Vi spaserte ein tur i shoppinggata, så drog vi på ein liten sightseeing tur opp til Flydalsjuvet. Veldig koselig tur og flott vêr hadde vi ôg! Tenk, neste helg er det meldt 27 grader i Geiranger!

Litt posering med familien og nokre utsiktsbilete. Eit must det på ein sånn "turist-tur". ;)

Ivar og Sverre med softisane sine. Vanvittig godt jordbærstrø der inne forresten! Sverre fann ein gulltraktor utanfor Moods of Norway butikken som han testa ut medan eg var inne å kika litt. Men det vart ikkje kjøpt noko, for 600 kr for ei t-skjorte er rett og slett ikkje aktuelt. ;)

Martin sovna i vogna si etter ei lita stund, så han vart ikkje med på så mange bilete han...

Her er vi i handlegata, og det var ei dame som snakka og snakka til Sverre, men på engelsk, så han skjønte ikkje at ho prata til han eingong, hehe. Til slutt sa venninna hennar "he doesn't understand you". :)

Sverre tydelig stolt over soft-isen sin! Så fekk han seg vikingutstyr med Ivar. Stas ja! ;)

Då vi var oppe ved Flydalsjuvet var det ein tulling som gjekk over rekkverket og heilt fram på kanten for å ta bilete! Eg vart nesten dårlig av å sjå på han.

Og i fjellet såg Sverre eit ansikt som vi andre ikkje såg før vi såg biletet no etterpå, hehe. Artig!

Ein veldig koselig familiedag med andre ord. Einaste som ikkje var så kjekt var at bilen bak oss på ferga ikkje hadde satt på handbrekket så han dunka inni oss då ferga la til...Eg heldt på å festa Martin i setet sitt akkurat då og skvatt skikkelig! Det vart ingen skader på bilane heldigvis. Og flaks at ingen stod mellom bilane akkurat då!